SEJARAH KAMPUNG ADAT DUKUH

WILAYAH KAMPUNG ADAT DUKUH

SEJARAH  LISAN

Wilayah kp. Adat Dukuh nyaeta Kandang Wesi, batas-batasna Kandang wesi Nyaeta:

· Beulah wetan Batu Wangi Walungan Ci Kaengan-Tasik

· Belah Kulon Walungan Ci Damar-Cianjur

· Belah Kidul Laut Cilauteureun

· Belah Kaler  Haur Duni  - Gunung Papandayan

Tanda-tanda kp. Adat Dukuh aya 3 sumber nyaeta :

1. Sumber Daya Alam

2. Sumber Kahirupan

3. Sumber Peundidikan Agama

Anu 3 sumber di bagi 5 bagian nyaeta :

1. Tanah Tutupan

2. Tanah Larangan

3. Tanah Titipan

4. Tanah Garapan

5. Tanah Cadangan

Wilayah Kandang Wesi di aliran ku sababraha walungan, anu ngalirna kabeulah kidul ka Laut. Eta walungan the number ka 2 Gunung nyaeta Gunung Papandayan sareung Gunung Ci Kuray.

Rincian tina ciri-ciri kp. Adat Dukuh :

1. Sumbeur Daya Alam anu eusina nyaeta Daratan, Lautan, Udara jeung eusina Bumi. Eta kudu di rumati di leustarikeun.

2. Sumbeur Kahirupan sakabeh mahluk hirup kudu di fungsikeun kana kahirupanana di sumbeurkeun kana sumberna masing-masing atanapi hakna masing-masing.

3. Sumbeur Pendidikan/Agama/Aturan.

Bahasan tina 5 sumbeur besar :

1. Tanah Tutupan anu sabagian geude nyaeta Gunung, karna eta Gunung sumbeur Cai/sumbeur poko kahirupan mahluk, makana sakabeh sumbeur Cai kudu di Tutup/leuweungkeun, di jaga jeung di leustarikeun.

2. Tanah Garapan nyaeta sumbeur bahan poko kahirupan manusa/keur nertibkeun manusa.

3. Tanah Larangan nyaeta manusa asal tina alam, manusa ngabutuhkeun teumpat pangbalikan ahir, nyaeta makom anu aturana sarua jeung tanah Tutupan kudu di leuweungkeun.

4. Tanah Cadangan nyaeta keur peulebaran kampong cadangan bencana sasaranana ulah sampai nga ganggu garapan bahan poko kahirupan manusa.

5. Tanah Titipan nyaeta nyaritakeun beuneurna asal usul kp. Adat Dukuh.

Tanah Titipan dibagi 3 bagian nyaeta :

1. Awisan Arab

2. Awisan Sumeudang

3. Awisan Sukapura

Bahasanana / peunjeulasana :

1. Awisan Arab : karna syeh Abdul Zalil nungtik elmu ka Islamanana di Arab dugi ka hasilna.

2. Awisan Sumeudang : Sababiah anu nyakeutkeun wangsit ka Syeh Abdul Zalil nyaeta Bupati Sumeudang Rangga Gempol.

3. Awisan Sukapura : karna Syeh Abdul Zalil keuturunan Sunda, nyaeta keuturunan Eyang Prabu Siliwangi / Galuh.

Jadi pada intina Kp. Adat Dukuh the seujarah Sunda.

(TAH ETA SEUJARAH LISAN)

Di lajeungkeun ku seujarah Tulisan…

SEUJARAH TULISAN

Syeh Abdul Zalil sabadana hasil ku elmu Agama di Meukah kalayan kapeurcaya ku Guruna, Syeh Abdul Zalil di piwarang mulih ku Guruna ka Nusa Jawa. Saur Guruna “Anjeun bagean di Nusa Jawa”. Namun, Syeh Abdul Zalil bermohon ka Guruna “Abdi alim uih ka Nusa Jawa hoyong tetep di Meukah”.

Guruna waspada : “naha anjeun maot haying di siram ku Cai suci di Meukah jeung haying di ruang ku Taneuh suci di Meukah, lamun kitu tah bawa Caina, tah bawa Taneuhna, ke dimana geus manggih piteumpateunanjeun Taneuh awurkeun Cai peulakeun”. Anu matak di Kp. Adat Dukuh aya Taneuh Awisan Arab.

Salajeungna Syeh Abdul Zalil beurangkat ka Nusa Jawa ngeumban tugas ti Guruna sa sumpingna ka Nusa Jawa nyaeta ka Mataram, kaleureusan berkeurabat dekat sareung si Nuhun Mataram. Si Nuhun Mataram dina waktos harita mengatasi Bupati Sumeudang nyaeta Rangga Gempol, dina waktos harita di Sumeudang teu aya Peunghulu Agama. Rangga Gempol (Bupati Sumeudang) kunjungan ka si Nuhun Mataram maksadna bade ngumahakeun wirehna di Sumeudang teu aya Peunghulu Agama.

Sasumpingna ka si Nuhun Mataram, Rangga Gempol ngauningakeun ka si Nuhun Matram wirehna di sumeudang teu aya Penghulu Agama. Walerna si Nuhun Mataram kabeuneuran didieu aya jalmi alim tur kapeurcaya ngarana Syeh Abdul Zalil, tah eta sugan daekeun? Singkatna Syeh Abdul Zalil teu lami di panggil. Syeh Abdul Zalil sumping, sasumpingna Syeh Abdul Zalil Rangga Gempol nyarioskeun di sumeudang teu aya Peunghulu Agama. Si Nuhun Mataram naros ka Syeh Abdul Zalil “kinteuna anjeun keursa janteun Peunghulu Agama di Sumeudang.” Waleran Syeh Abdul Zalil “ Insya Alloh abdi sangeum”. (tapi aya syaratna) nyaeta :

1. Bupati kudu ngahiji sareung Rakyatna

2. Ulah ngareumpak huku syara

Waleuran Rangga Gempol “Kuring Sangeum/sanggup”.

Sabadana saling satuju, Syeh Abdul Zalil menuju ka sumeudang, sadugina ka Sumeudang di serenan mingpin Keupeunghuluan Agama anu lamina 12 tahun.  Sabadana 12 tahun di dameul kapeunghuluan Syeh Abdul Zalil nyungkeun izin pamitan ka Rangga Gempol bade ka Mekah deui. Sabadana kengeng izin Rangga Gempol Syeh Abdul Zalil angkat deui ka Mekah.

Syeh Abdul Zalil nuju di Mekah Rangga Gempol (Bupati Sumeudang) kasumpingan 2 utusan ti Banteun. Anu maksadna 2 utusan eta the bade ngajak ngahiji ka Banteun ulah ngahiji ka Mataram, Rangga Gempol nolak kana eta pangajak dugikeun ka di piwarang uih deui. Sabadana mungkur uih deui eta 2 utusan ti banteun the Rangga Gempol ngemut dina manahna “ eta 2 utusan lamun teu di maotan bakal huru hara” jadi singkatna Rangga Gempol manggil ka 2 Glojo nyaeta miwarang nyusul ka 2 utusan ti banteun, pikeun di maotan, ka susul di Parakan Muncang tur dugikeun ka di maotan duanana. Ciri bukti di maotan mastakan di candak di serenkeun ka Rangga Gempol. Eta kajadian the di rahasiahkeun tapi, eta rahasiah the ka kuping ku Suta Wijaya nyaeta tangan kanan Syeh Abdul Zalil. Suta Wijaya kabingungan eta kajadian lamun di rahasiahkeun ka Syeh Abdul Zalil teu kinteun beunduna Syeh. Sabalikna lamun eta di wartoskeun ka Syeh Abdul Zalil teu kinteun beunduna Rangga Gempol. Suta Wijaya narik kasimpulan “daripada di beunduan ku Syeh Abdul Zalil meunding di beunduan ku Rangga Gempol”, ieu rahasiah arek di balakakeun ka Syeh Abdul Zalil.

Sasumpingna Syeh Abdul Zalil ti Meukah Suta Wijaya engal neupangan ka Syeh Abdul Zalil nyarioskeun/ngabalakakeun kajadian di Sumeudang. Syeh Abdul Zalil beundu sareung ngaraos haneueul ku eta kajadian ngamaotan jalmi tanpa dosa. Rangga Gempol oge atos uningaeun eta rahasiah ka uninga ku Syeh Abdul Zalil yen Syeh Abdul Zalil Bendu.

Engalna Rangga Gempol manggil ka Syeh Abdul Zalil maksadna bade tamada nyuhunkeun hapunteun manawi teu ngareumpak hokum syara. Syeh Abdul Zalil simpeul eta padameulan the ngareumpak hokum syara margi ngamaotan jalmi tanpa dosa . seketika/sapadaharita Syeh Abdul Zalil munut lireun tina kapeunghuluanana teu tiasa di tawis deui.

Salajeungna Syeh Abdul Zalil seren sumeren dina kapeumeurintahanana lajeung Syeh Abdul Zalil ngalih ka Batu Wangi pinggir Walungan Ci Kaengan batas Tasik. Syeh Abdul Zalil sateuacan mungkur ti Sumeudang supata “isuk ning geto Sumeudang bakal aya kajadian”  Dua Tilu sasih ti harita leureus Sumeudang di Rurug ku Banteun di kala leubaran poe jum’at, makana Sumeudang cadu leubaran poe Jum’at.

Salajeungna Syeh Abdul Zalil mabakan madepokan di Batu Wangi anu lamina Tilu sateungah tahun, anjeuna te peugat-peugat munajat ka Alloh Robbul Alamin “ya Alloh atuh dimana kange piteumpateun abdi geura uningakeun”. Tapi anjeuna teu beurhasil, tidinya anjeuna ngalih deui ka nagara Pameungpeuk di Kp. Tonjong pinggir Walungan Ci Sangiri antara Ci Hurip sareung Ci Sompet kengeng satahun sateungah lamina. Teu peugat-peugat munajat ka Allah Robbul Alamin, “ ya Alloh atuh dimana enggal tuduhkeun kanggo piteumpateun abdi dugi ka ahir hayat abdi”.

Titik masngsa anu utama waktu anu mustari tanggal 12 Mulud malam Jum’at Kaliwon tahun Alif, Syeh Abdul Zalil ningal ka palih Kulon aya Cahaya bijil ti Bumi nunyeul ka Langit ageungna sageude tangkal Kawung eta tanda nuduhkeun pikeun piteumpateun anjeuna dugi ka ahir hayat.

Enggalna anjeuna ngabujeung ka eta Tempat, sadugina ka eta Tempat aya panghuni namina Aki Candra sareung Nini Candra. Syeh Abdul Zalil naroskeun ka Aki Candra “Aki ari Walungan Ci Mangke sareung Ci Pasarangan diman?” waler Si Aki Candra“Sumuhun ieu ka kurung ku KANDANG WESI”, didinya Aki Candra nga uningakeun ka Syeh Abdul Zalil batas-batasna Kandang Wesi nyaeta :

 Palih Wetan Batu wangi walungan Ci Kaengan-Tasik

 Kulon na Walungan Ci Damar-Ci Anjur

 Kidul na Laut Ci Lauteureun-Ci Kelet

 Kaler na Haur Duni/Gunung Papandayan

Salajeungna eta teumpat di serenkeun ku Aki Candra ka Syeh Abdul Zalil, saatosna nyerenkeun eta teumpat Aki Candra, Nini Candra mulih ka Kp. Sarakanana ka Ci Damar-Ci Anjur.

Sadugina ka Ci Damar Aki Candra nyarioskeun ka keuluargana, ka Tatanggana sareung ka Wargana “kuring ka sumpingan ku jalmi alim namina Syeh Abdul Zalil teumpat di serenkeun ka anjeuna kuringmah balik we kadieu”. Saur wargi-wargina “ari anjeun bodo batur mah hoyong deukeut jeung jalmi alim naha ari ieu kalah balik”, Aki Candra ngemut “heueuh da eunya atuh”, tididnya Aki Candra mulang deui nuju ka Dukuh ngaraos hoyong cakeut sareung jalmi alim nyaeta Syeh Abdul Zalil. Namun, ku pangersana Alloh Robbul Alamin mung dugi ka daerah Taman Manalusu yuswana di cabut kunu kagungan manawi didinya aya kampung Candra Pamulang / Palawah Candra Pamulang.

Salajeungna eta teumpat ku Syeh Abdul Zalil di rumati taneuh canak ti Meukah di taburkeun, Cai canak ti Meukah di peulakeun ngaburial dugi ka kiwari. Makana di Kp. Adat Dukuh setiap tanggal 14 Mulud sok di ayakeun cebor 40 sareung peunanaman Cai tanda ngemut-ngemut janteuna Kp. Adat Dukuh di peringati tug dugikeun ka kiwari.

Cikelet, 01 Januari 2015

Penyusun